Mizo News

Date – 11/4/2014  (MIZO NEWS)

1. Tukin dar 7 atang khan Mizoram Lok Sabha seat khat atan leh Hrangrurzo Assembly bial bye-election vote thlak tan a ni.
2. Election Commission-in EVM khawih chingpen theih a ni lo tih a sawi.

3. Election Commission of India chuan Union Minister Benny Prasad Verma-a chu inthlan campaign-naa BJP-in Prime Minister atana an hual Narendra Modi-a chungchang a sawinaa va tawngkam hman a mawi loh avangin insawifiah
turin a hriattir.

<><><>
SEC:  State Election Commission chuan March Ni 25- a Village Council inthlanpui neihna Lai Autonomous District Council huamchhungah member thlan tharte chuan tun thla ni 19 aia tlai lovah Village Council Executive Body an siam fel vek tur a ni a ti a, Ni 21-ah Village Council thar ten charge la fel in, Returning Officer kaihhruainain thutkhawm hmasa ber an nei tur a ni.

Chak zawk awmlohna leh harsatna eng emaw bik avanga tun thla ni 19-a Executive Body siam thei lote chuan ni 25 hmain LADC Executive Committee ruahmanna hnuaiah Village Council Executive Body an siam fel tur a ni a, an Sitting hmasaber chu ni 30 aia tlai lovah an nei tur a ni.

SEC chuan, Village Council thlan thar zawng zawng Exective Body ni 19-a siam fel tawhte chuan ni 25 aia tlai lovah Executive Body an siam thar (list) chu Lawngtlai Deputy Commissioner/District Election Officer leh LADC Local Administrative Officer hnenah an thehlut tur a ni.
<><><>
EC: Mizoram Chief Electoral Officer chuan Election Commission in Electronic Voting Machine khawih chingpen theih a ni lo a ti a, hei hi High Court leh Supreme Court pawhin vawi engemawzat an nemnghet tawh a ni a ti.

Election Commission thuchhuah hma hian Chief Minister Pu Lal Thanhawla chuan Mizoramah EVM rinhlelhna nasa tak eptu lamin an vawrh darh avanga EVM nihphung leh a rintlak dan Mizoram mipuite hnenah sawifiah turin a ngen ni a thudawn a ni. Kan corr Irene Lalruatkimi be pawp ila, inthlan boruak te kan zawt dawn a ni.

1. Tun tumah hian EVM tihchingpen chungchangin boruak a chiah nasa a, hei Election Commission chuan thuchhuah a siam phah ta hial anih hmel hle mai.

2. Vote thlak tawp ni thleng khan Congress Party leh Eptu lam chu nasa takin an la inbei zui zel a ni a.

3. Tunah hian Aizawl leh a chhehvelah mipui ngaihdan langsar zual te hriat tur a awm em?
<><><>
Hetihlai hian ni 14-a MPSC in Stenographer Grade III Speed  test a buatsaih tur chu, sorkar chawlh ni mahse a kaltlangpui dawn tho tih MPSC chuan thuchhuah a siam a ni.
Tunah chuan Serchhip Dist-a kan corr Pu C Lalhminghlua be pawp ila, an boruak te kan zawt dawn a ni.
1. Pu Hlu Vote thlak tur intlar te an awm tawh em?
2. Hrangturzo lam boruak enge?
3.Hrangturzobial inthlanna ruala Lok Sabha inthlanna nei tur khan ruahmanna eng angin nge siam a nih?
4. Serchhip leh a chhehvela inthlan chungchanga mipui ngaihdan tlangpui hriat theih a awm em?
<><><>
ELECTION PREPAREDNESS:
Mizoram Lok Sabha inthlan leh Hrangturzo Bye Election nei turin nichin dar 7 atang khan vote thlak tan a ni a, dar 6 vel atang khan polling station-ah tevote thlak chinna neih a ni a, dar 6 leh a chanve ah zo felin, dar 7 ah chuan mipui tan vote thlakna hun hawn a ni ta tih Election Dept atanga thudawn a ni.

Election Dept hian darkar 2 tina vote tla te a chhinchhiah dawn a, tlai dar 5-a vote thlakna huamchhunga awm te thlenga vote thlak vek turin inruahman a ni bawk a ni.

He inthlanah hian Congress Party leh pawl 8 intelkhawm United Democratic Front te an inmal beih dawn a ni deuh ber a, Lok Sabha inthlan neih turah hian candidate 3 awmin, Congress
Party candidate chu MP ni lai Pu CL Ruala a ni a, UDF chuan Independent candidate Pu Robert RomawiaRoyte an thlawp a, Aam Aadmi Party candidate Pu M Lalmanzuala’n a chuh dawn
bawk a ni.

Hrangturzo bial bye election ah hian Congress candidate Vanlalawmpuii leh UDF thlawp Pu H Lalduhawma te an inmal beih dawn a, Tun tum inthlan neih turah hian, a pumpuiah vote nuai 7 & 2180 an awm a, vote neih zingah hian hmeichhia tam zawkin nuai 3 sing 5 & 5961 an awm a, mipa nuai 3 sing 4 & 6228 an awm a ni.

Mizoram mipui ten state aiawh tur an thlanna turah hian polling station 1126 a awm dawn a, vote thlak na khawl EVM 1716 hman a nih dawn bakah, vote thlak dan tihchianna khawl VVPAT chu Dist khawpui chhungah te hman a ni dawn a, VVPAT khawl hi Mizoram hmun hrang hrangah 385 hman a ni dawn a ni.

Inthlanpui Mizoramin a hmachhawn dawn avangin vawiin hi sorkar chawlhah puan a ni a, ni 14 pawh khi sorkar chawlhah puan a ni bawk a,

Ni 14 chawlh anih thu hriattirna hi nimin khan Governor chuan tichhuakin Dr. B.R. Ambedkar piancham pha phak anih angin Mizoram pumah chawlh a puang a, Sorkar hnuaia office zawng zawng, bank leh zirna in zawng zawng a huam a ni.

<><><>


ELECTION SHOW CAUSE NOTICE

Election Commission of India (ECI))chuan Union Minister Benny Prasad Verma-a chu inthlan campaign-naa BJP-in Prime Minister atana an hual Narendra Modi-a chungchang a sawinaa va tawngkam hman a mawi loh avangin insawifiah turin a hriattir. 
ECI hian Pu Verma-a hian Model Code of Conduct a bawhhchhe ngei nia an hriat thu sawiin, naktuk tlai thleng insawifiahna hun hi an pe a ni.

ECI hian Karnataka Chief Minister Sittaram Mayah pawh khakin thgla hlui ni 23-a Mysore-a a campaign-naa Narendra Modi-a chungchunga atawngkam hman chu a mawi lo an ti a, hemi chungchanga Pu Sitaram Mayah-a a insawifiahna chu pawm lovin, hun lo kal leh turah a tawngkam hman fimkhur em em turin an hrilh a ni.

Source :newsonair

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s