Siaha liata Marasawzy cha-ypi rônah chaipa ‘Lyuva Khutla’ a rônah kawpa ta hmâpa a châ

IMG_2481

Mara couple

lyuva khutla 2014

lyuva khutla 2014

Siaha, târi noh 16, Pamih, 2014 : Marasawzy Cha-ypi rônah chaipa, “Lyuva Khutla 2014” cha târi noh 14, Pamih, 2014 liana khata Siaha Vaihpi Tlyliah liata a rônah thei chaina hawhta hmâpa châ ta, Siaha liata Lyuva Khutla eima hmâ hapa hry liata rônah chaipa nata zawpi hluh chaina Lyuva Khutla a châpa ta pahnopa a châ. Atakô Lyuva Khutla liana heta Puhpa K.Riachhô, IAS (Rtd.) Chairman, Mizoram Public Service Commission (MPSC) cha Khichhailaipa châpa ta atakô Lyuva Khutla hmâna rônah chaipa Siaha liana heta a hmâkhei.
My dawh 10:30 tawhta pathaopa, Lyuva Khutla 2014 a hmâna he Puhpa TA Chhôhu, Chairman, Lyuva Khutla Organising Board, Siaha ta chhithapa ta, Khichhailaipa aly-uana bie reina hnei ta; Khichhailaipa Tlyliah âvaw ngia nona heta Puhpa N.Lybei-ta Hladyuh Pathluah ta. Mara Hlasa Py (MHP) Hqr:Siaha ta pahyna hla ama sa khai tawhta, Rev Dr M Zakonia, Moderator, ECM Hqrs:Siaha ta Lyuva Khutla a hmâna daihti Khazohpa lâta pavaosana a hnei. He khai tawnah heta, Khichhailaipa, Puhpa K.Riachhô-ta Lyuva Khutla Poh-raih (Flag) pakaina hneipa ta, biereina a hnei pazipâ hra.
Khichhailaipa chata, Hlâno Manô-mapawzy ta Lyuva Khutla ama vaw hmâna dâhzy reihpa ta, hlâno daihti liata ama vaw pasôh zie zy reihpa ta, “Eima manô nata mapaw daihti nota ama hrozie nata amâ paly-pa-uasana dâhzy, eima chi nata pho taozie nata khihsana dâhzy natal â zy pasâhsa ta, cheihchalo via lymâpa ta, ryhpaoh viana hropa tlua lymâpa ta, eima Culture nata Reihzy pabohsa via awpa heta, eima District Council Art & Culture Department ngâlâh he châ leipa ta, Marasaw zydua heta maohphaohna eima hnei chyu” tahpa ta reihpa ta, Lyuva Khutla eimâ hmâna chhâpa  athei ngâthlâh ha awpa ta zawpi cha bietapa ta, “Hlâno manô-mapaw hrozie a thei thlâhna chôta, veihseihna, tiamana, reiraona nata chyhsa hropa chô liata a pasaina zy he my leipa ta, khâ cheihchalo lymâ chyu awpa ta ei cha hrua hmeiseih ei” a ta.
Chutyhnoh liata Lyuva Khutla a hmâna daihti liana heta Mara Pho lâ nano nanopa-zy cha MTP, MSO, MCHP nata Lialaipi Cultural Club, Lialaipi, Nochhi Mara râh tawhtazy pamosapa châ ta; Siaha liata YMA nata YLAlâ tawhta ama Pho lâ chyu pamosapa a châ hra. Kô hrota zawpi ta ama hâdy chai tyhpa miakha, ‘Lyuva Khutla Chhivaw nata Khydi’ atlyhna cha Lyuva Khutla Organising Board-chhithana ry liata hneipa châpa ta, he liana heta, Lyuva Khutla Chhivaw 2014 (Miss) châta, Lalruatsangi Syuhlô D/o S.Ngôhei, N.Siaha MTP Branch laihsa cha atlyhpa châ ta; Khydi châta, B.Johan Mandel S/o B.Heichai, MTP Branch College Vaih satlia cha a tlyhpa a châ hra. He khai tawnah heta Lyuva Khutla 2014 lymâ raina hneipazaopa châpa ta, Puhpa Alok Swarup, DC, Siaha-ta lymâzy a rai.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s