MSO Gen Hqrs:Siaha ta Mara râh liata Ryuchâ laichaipa Pihnô Vaili hnohta hlâ

MSO Hqrs Leaders

MSO Hqrs Leaders

Zâkhahnia Pachyhnoh(târi noh 15, Pamih, 2014) liana khata Mara râh liata achuhaipa Py laichaipa, Mara Students’ Organisation (MSO) General Hqrs : Siaha chata, Lakher Pioneer Missionary ry liata Missionary maniah hrolâhpa a y chhôhpa, Pihnô Vaili nata avahpa Rev L.Mark-zy cha apahrâna, Lorrain Ville, Saikao liata tlypa ta, Ryuchâ, a hâ lâ fit 3 nata a kawna lâ fit 4-ta laipa Ryuchâ, Mara râh liata Ryuchâ laichaipa châpa ta pahnopa hlâna hnei ei ta; he hleikhôna heta ‘Steel Almirah’ nata beihchhona Gas achipa baoh 2 ama hlâpâ hra.
Pachyhnoh liata MSO Gen Hqrs:Siaha ta Lorrain Ville liata Missionary ama tlyna daihti he Puhpa FC Khihnia, President, MSO Gen Hqrs:Siaha ta chhithapa ta, MSO Gen Hqrs:Siaha ta Pihnô Vaili nata Rev L.Mark ama za tlyna chhâpa reina hneipa ta, MSO cha achuhaipa py achâna hawhta, eima Missionary-zy theilâpa châ ei ta; ama pasopakâ awpa amâ ngiahziezy reina hnei ta. Rev L.Mark ta pasyuna biereina hneipa ta, MSO-zy châta Byhnâ awna thlahchhâna cha Pihnô Vaili ta a hnei hra.
MSO Gen Hqrs:Siaha ta Lorrain Ville ama za tlyna daihti liana heta MSO Gen Hqrs-nôpawpazy he ama President Puhpa FC Khihnia, Vice President Puhpa J.Kholai nata Gen Secretary Vâbeirôna Hlychho hleikhôta, OB nata Executive manôh 12-zy sie thei ei ta; zâlâ liata Missionary Thlâ tlyna hnei khaipa a châ tawhta zâlâ dawh 6:00 rachhôhpa liata Siaha ngaipa ta ama kaw sie ha heih.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s