SIAHA KHIPI POWER SUPPLY DUAHMO CHHIE

“Mawrâh State khôtho lâ tawhta dôhlatha eima hmô chyh hapa vâta khaihna khodâh hawhta hmôpha thei ma pi” 

Siaha, târi noh 19, Hmypi, 2014 : :::: Deiva News Network :::: Atahmâhlâ Siaha khihpi ta khaihna eima hmôpha leipa chôchâh nata achuhaipazy Ezâhna daihti liata khaihna phapa eima hnei thei leipa chôchâh liata Mara Students’ Organisation (MSO), General Hqrs : Siaha ta Executive Engineer, Power & Electricity, Siaha a hmôpa ta, khaihna chôchâh rairuna eimâ tyh haipazy reikheina ama hnei.

Picture1R.Lalchhanhima, EE, P&E,  Siaha chata, Mawrâh sawhkhâ ta zawpizy ta khaihna/dôhlatha chiepadâh leipa ta ama dao thei n’awpa ta hmah a la ngâthlâh ha tarawpa ta, nohkhi vaw hi ta, ti a chyh via lymâpa vâta State khôtho lâ tawhta dôhlatha maniah pietuhpazy ta ‘Evening Peak’ (5:00 Pm-9:00Pm) lichihta dôhlatha eimâ ngiahpa zie maniah ama pie thei leipa vâta a zo lâta ‘Load Shedding’ ta a khaih pari tyhpa châ ta, tahpa ta, he he zawpizy chhaota maniah pahnokheipa ta, dôhlatha eima dao chhôhpazy cha zawpizy ta ahryuh leina zieta hmâ thai awpa ta MSO-zy cha zawpi lâta ahawna taokhei awpa ta âvaw haw hra ei.

EE chata, “Chhôhtozy khaihna/dôhlatha eima hmâna dâh liata abyuhpa nata ângiah hialiapa liana ngâlâhta hmâpa ta, Heater nata Geyser ahropazy cha a zo lâta hmâ leip’aw sih la cha, atahmâ ta eima dao chhôhpa heta Siaha Khihpi cha a chyh khai thei aw” a ta. EE heta reihpazaopa ta, “SLDC biepuapa hawhta Load Shedding he tao via lymâ awpa a châpa vâta he kyh liana heta MTP, MSO nata py hropazy nahta thlaita reihpahmaohna hneipa a châ aw” a ta.


Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s