Pakhupi Odôh Ku a rônah kawpa ta a hmâpa a châ

1625576_521319617981513_273614815_nSiaha, târi noh 16, Hmypi, 2014 : Zâkhahnia pachyhnoh liana khata, All India Radio (AIR), Lôlei nata Mara Thyutlia Py (MTP) Opi, Siaha pachhuahpanohpa ta Mara Cultural Festival, “Pakhupi Odôh Ku” cha GHSS Tlyliah, N.Siaha liata a rônah kawpa ta hmâpa a châ. He pakhupi Odôh Ku ahmâna daihti he C.Lalneikunga Khobung, Proramme Executive, AIR Lôlei ta chhithapa ta, K.Hrahmô, CEM Incharge ta Khichhailaipa châpa ta he daihti he â hmâkhei.

Daihti chhithatuhpa, Lalneikunga Khobung chata, Siaha liata Mara Ku a rônah kawpa ta hmâ theipa a châpa cha âly â chhih tahpa ta; Siaha Radio Station ta suhmo a ichapa a hneileipa deikua chata angia paryhsa vei tahpa ta, yhmo a ichapa a hnei thei n’awpa ta MADC nôpawpazy ta râh pachâ para thei ei sala a pha kaw aw, a tah hra. Pachyhnoh ta Pakhupi Odôh Lâ a hmâna liana heta Rev.Chhuakhu Khithie ta daihtzy Khazohpa lâta pavaosa ta, Khichhailaipa K.Hrahmô, CEM Incharge chata biereina hneipa ta, Radio Station Lôlei pachhuahpanohpa ta Siaha liata Mara Ku a rônah kawpa hmâpa a châpa cha aly â chhih tahpa ta, Mara zawpizy cha Missionary-zy ta amâ tyuhpâpa, chipho vâhnei kawpa eima châ, tahpa ta, Missionary-zy vâta he hawhpa duahmo a tlô theipa he eima châ, a tah hra. Khichhailaipa heta, Mara khih moh nata Vaih mohzy Mara reih lâta so pakhua khai heihpa a châ thei n’awpa ta hmahla hai hra, a ta.
Pakhupi Odôh Ku liana heta C,Thahe ta Hladyuh pathluahpa ta, Lôlei nata Siaha liata hlasathaipa nano nanopazy ta zawpi ama palôhpahawh hra. He daihti liana heta MTP Branch nano nanopa tawhta Mara lâ nano nanopa pamosapa châpa ta, Pakhupi Odôh Ku a hmâna he ai lei kawna chôta pachhâsapa a châ.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s