Tipi Ferry liata Seasonal Bridge Tlaw thyza 3.5 hryuhnaVL Hruaizela, PD, DRDA-ta apahy

Siaha, târi noh 10, Hmypi, 2014 : Zâkhahnia pachyhnoh zâlâ dawh 3:00 liana khata Siaha nata Lytai likah Tipi ferry siepahliepa ta tho hmâpa ta daopa- Kolodyne Seasonal Wooden Bridge, DRDA Siaha sôh hmâpa ta daopa cha VL Hruaizela Khiangte PD, DRDA Siaha-ta apahy.

            He hleidy pahyna daihti he H.Lalngenga VCP, Tipi Ferry-ta chhithapa ta, pahytuhpa VL Hruaizela Khiangte chata biereina hneipa ta, kha hlâ kô 2/3 sie hapa liana khata he liana heta Seasnal Bridge vaw dao hapa châ ta, a phahnai thei chaina hawhta hmâ tyhpa vaw châpa ta; sôh nata thih hryuh awpa chhao a vaw pachha kaw tyh hra, tahpa ta, atahmâ ta eima dao thiehpa chhao he zawpi ta ama hmâ phahnai kaw na ta hnabeiseih â chhih, a tah hra.

            Machâ P.S.Ngohra, Secretary, ECM Tipi Ferry Local Church ta he hleidy dao awpa ta hmahlana nata raihriana dâh Techinical Report piepa ta, DRDA tawhta Rs.thyza 3.5 (lakhs) sanction-pa châ ta, ama sôh hmâpa zydua deikua cha Rs.316650/- châpa ta, he hleidy daona liana heta manôh 450 tha nata JCB hmâpa ta dawh 30 chhôh tlai rai hriapa châpa ta, a seihna lâ he Fit 190 châpa ta, akawhna lâ he Fit 12 a châ hra.

            He hleidy he ECM Tipi Ferry Awnanopa ta mohôh pazao aw ei ta, he hleidy ahlituhpa Sumo Rs 100, Pick-Up Rs.50/- Gypsy- Rs.30/- nata Taxi, Rickshaw & Two Wheeler liata Rs. 20/- lymâ lapa a châ aw. He sôhzy he hleidy mohôhna châta taopa a châ aw.

            He hleidy dao n’awpa ta phusâ hmâ laibâhpa nata District Council-ta avaw pakhipachaopa hmâpa ta hleidy thiehpa alyna he kyhchhihna ta hmâpa châ ta, Machâ S.Laihnie Bia Chairman ECM Amôhtlâh-ta Pastor Bia ta hleidy he Khazohpa lâta hlâna a hnei hra. Zâhnia ta hleidy pahyna liana heta VL Hruaizela, PD, DRDA he Department hyutuhpa thokha hleikhôta Siaha thâtihbu chyhsazy ta ama zi. (Deiva News Services)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s