India râh State-zy hryta chyhsa pahrâpa zie reipatipa ta Cancer pasana ahneipa hluh chaina Mawrâh

Zâhnia liana khata ‘World Cancer Day’ a hmâpa a châ

Siaha, târi noh 5, Hmypi, 2014 : Zâhnia târi noh 4, Hmypi, 2014 kha ‘World Cancer Day’ châpa ta a ni a, he noh padaipachhaipa heta Mawrâh liata chhao Health & Family Welfare Department, Mawrâh-pachhuahpanohna ry liata Vanapa Hall-liata he Noh he a hmâpa a châ.

He Noh, Mawrâh liata a hmâna he Health Minister Lal Thanzara ta a hmâkheipa ta, biereina ahneina liata, Lal Thanzara chata, chyhsa apahrâpa zie tawhta reipatipa ta, India râh liata Cancer pasana ahneipa hluh chaina eima châna zy, khizaw liata hmahta pasana thokha liata a sâh chaipa eima châ theipa he atanoh ta ‘World Cancer Day’ eimâ hmâna tawhna heta cha eima pachâpasia awpa ângiah kaw bâ, a ta.  Health Minister chata, Cancer pasana tawhta eimâ boh thei n’awpa asohsi chyu awpa ta zawpizy cha bie a ta hra. He khai tawhna heta, hrozie nôchâh nata yziana dâh vâta pasana apakia thei leipa – cancer, zôthlôh, Châ-ao pasana, BP a sâhpa nata Stroke tawhta avaihna nata he hawhpa pasanazy a eihpa ta mohôhna Programme pachhuahpanohpa, ‘National Programme on Prevention and Control of Cancer, Diabetes, Cardiovascular Diseases and Stroke (NPCDCS) nata kô nata khih lâta uhthei hapazy mohôhna Programme ‘National Programme for Health-Care of the Elderly (NPHCE)’ tahpazy tlâhzawhna a hneipâ hra.

World Cancer Day padaipachhaipa ta daihti hmâpa he Esther Lalruatkimi, Secretary, Health & Family Welfare Secretary ta chhithapa ta, Cancer pasana chôchâh liata athaisopa Dr. Jeremy L. Pautu, Medical Oncologist chata, atakô World Cancer Day biepipa châta ‘Pachâdâh doleipa pahlei ei suh u’, ‘Debunk the Myths’ tahpa cha reihpakawhna hneipa ta, NPCDCS nata NPHCE hmia pahnosana Dr. Lalrinliana Sailo, Principal Director, Health & Family Welfare Department a hnei hra.

Mizoram Population Based Cancer Registry (PBCR) Report thieh chaipa kô 2013, Indian Council for Medical Research (ICMR)-ta amâ laichadaina dâh liata ama palâsana hawhta cha kô 2 chhôhta Mawrâh liata Cancer pasana hmôpapua chhipa cha 2483 (chapaw 1376 nata chanô 1107) châ ta, hKô 2 chhôhta Cancer vâ pyly ta chyhsa a thipa zie cha 1330 (chapaw 798 nata chanô 532) ama châ. Mawrâh liata chapaw liata Cancer pasana hluh viapa 5-zy, ama hluhna dâh apazipa cha – Stomach(pavyhpi) – 23.5 %; Oesophagus (Patipalâna) – 14.5 %; Lung(Pachao) – 13.9 % nata Hypopharynx (Rao ry) – 4.7 %-zy ama châ. Mawrâh liata chanô Cancer  hluh viana 5-zy, ama hluhna dâh apazipa cha – Lung(Pachao) – 16.9 % Stomach(pavyhpi) – 13.7 %; Cervix (chhihhmao) – 13.2 %; Breast (sâhpi) – 11.2 % nata Oesophagus (patipalâna) – 4.1 % zy ama châ.

India râh PBCR nano nanopa khohpathliahpa ta, maluh a pahrâpa zie tawhta reipatipa ta Chapaw Cancer a ypa zydua zie liatazy; Chanô Cancer a ypa zydua zie liatana ta zy; chapaw nata chanô pavyh cancer rairie liana ta zy; chanô nata chapaw pachao cancer rairie liatazy; chanô chhihhmao Cancer liana ta zy; chapaw nata chanô pathi Cancer liana ta zy Mawrâh cha India râh liata â sâh chaipa eima châ hai.

Pasana apakia theileipa eima tahpa, Non-Communicable Disease (NCD) heta khizaw liata thina zydua 63% patlôsa ta. Kô 2008 liana khata khizaw chyhsa thysâh 57 thi ei ta, cha hry liata chyhsa thysâh 36 cha NCD vâta a châ. NCD pasanazy he chyhsa thina chhâpa hluh chaipa ama châ ha bâ.

Download Pdf format (Deiva pdf issue)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s