MTP General Conference Saikao châta âchhuanohna siekhei lymâpa a châ

MTP General Hqrs, Siaha chata târi noh 13th,Nawh,2014 Executive Meeting ta bie apathluhpa, târi noh 14th Nawh,2014 liata Office Bearers atyuhpakhypa ta mo chaneina ahneipazi pa, bie ama pachiapa nata ama pathlupazy cha Branch hro hropa zy alaichadai pazi ta, hma vaw la pazi awpa ta âmâ haw.
Ama bie pachiapa nata pahlupa liata âlâna dâh ta, MTP General Conference hnei n’awpa su châta Saikao raopa châ ta, adaihti châta târi noh 1st -4th Pachawh,2014 raopa a châ. Khichhai laipa châta Hiphei, Honble Speaker Mizoram nata Khichhai zachhihpa châta RT.Zachônô CEM zy âpahawhpa châ eita, Pandal moh châta ‘J.Vialua Byureih’ bipa a châ aw tapa ta bie pathlupa a châ.
MTP Miss Contest : MTP.Gen Conference liana heta MTP Miss Contest pachhuapanohpa châ awta, Hqrs Vice President chhithana ry liata paduapa châ ta, ângiahpa nata abyuhpazy cha organising committee ku liata sopa a châ aw. MTP Branch zydua he miss contest liana heta âhlao chyu awpa ta hruapa nata hnabeiseihpa ama châ.
Palyupalihna ryuchâ : MTP General Hqrs, Sub-Hqrs nata Branch liata chhithna rai, Office Bearer (OB’s) liata kô 10 (Term 5) a hriapahapazy palyupalihna ryuchâ hlâ awpa châ aw ta, Branch/Sub-Hqrs liata he hawpa chyhsa ama ypa a châ khiata cha ama Bio-data kicho kawpa rohpa ta MTP Gen.Hqrs Office liata pangia awpa a châ aw.
MTP General Conference Agenda : Sub-Hqrs tawhta Agenda 5 pangia theipa châ awta, Sub-Hqrs ô-na chhôh Branch zyta ano eihta agenda pangia awpa châ khao awvei. MTP Gen.Hqrs ô-na chhôh Branch zy ta Agenda 3 sai ama pangia thei aw. MTP Gen.Hqrs chhao ta official agenda atao hra aw. Agenda zy he Hmypi (February) thla chhôh ta MTP Gen.Hqrs office liata pangia khai awpa ta Branch/Sub-Hqrs zy âhawpa nata pahnosapa ama châ.
Taokheina : MTP Gen.Conference liana heta MTP member âpahâ hapa zy taokheina hneipa châ awta, Tipa Confrence-2012 nata Saikao Conference – 2014) likawhta member athipa zy taokheina daihti âhmâhpa a châ aw. He hawpa zy ama ypa a châ khia cha MTP Ge.Hqrs office liata ama bio-data kicho kawpa ta rohpa ta MTP Hqrs Office liata Pamih (March) thla chhôh ta pangia khai awpa a châ aw.
MTP General Election : MTP General Election hnei kô a châpa vâta, atlyhna pathaihpa a y thei n’awpa ta, MTP Sub-Hqrs/Branch liata chhithana rai ahria haipa (OB’s, Excecutive Committee Member, Sr.Ads) zydua ama moh, châna nata passport size copy 1 chhao ta TA.Beihnia Secy I/c Information hnota tlyma, MTP Hqrs office liata pangia khai awpa a châ aw.
Branch tawhta mopakha tlyma, Branch tlyma tovyuh (items) ahnei khopazy châ ta Hmypi thla chhô ta ama moh nata Item sianô kawpa ta ropa ta MTP Hqrs Office liata pangia awpa châ aw ta, Branch to zy tovyuh hlapu, drama etc zy liata MTP Hqrs ta tovyu ama raoa wpa liata hlao pathloh chyu awpa ta MTP Branch/Sub-Hqrs zy cha ahawpa ama châ.
MTP General Conference liana heta Marapa Missionary zy hry liata ahrohpa a y chhôhpa Pihnô. Violet(Vaili) cha byhnâ awpa awpa ta raopa a châ hra. MTP Geneal Hqrs ta Mara thyutliapa zydua he Conference liana heta âhlao chyu awpa ta hrua ta, ahy hmata paritheipa phao pasaipa châ leipa awta, he hawpa ataopa nata âphaopazy cha apasa kawpa ta ama chôchâh pachâpa a châ aw tapa ama reih pâ hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s