ISRAEL PRIME MINISTER PAROHPA ARIEL SHARON A THI

Israel Prime Minister avaw châ chiehpa Ariel Sharon, Kô 85 cha zâhnia târi noh 11.1.2014 zâ 12 rachhô (Keimolâ sanâ liata) pasana chikha ‘hemorrhagic stroke’  vâta athi. Ariel Sharon he mylâ târi noh 13th Nawh,2013 pa liana heta pabupa a châ aw. Ariel Sharon he  Israel sawkhâ châta cha chyhsa sôh kawpa  achâ. Ano ryraona nata hmalana liana heta hlaotloh kawpa ta Israel sawkhâ chhao avaw sie tyh.

Ariel Sharon (RIP)

Ariel Sharon (RIP)

Ano he kô 1948 pa liana khata  Israeli Army liata Commander châ pata, Operation Ben Nun Alef Liata zy, Israeli pheisaih pha patluapa Unit 101 padua awpa ta ryrao tuhpa zy hleikhô ta,ano sahlao heta chariah adyuhna tlaotlo kawpa kô 1956 Suez Crisis, the Six-Day War of 1967, the War of Attrition, nata ‘ Yom-Kippur War kô 1973 lia zy ta atôpi chaipa nata thapi aphiatu chaipa châ ta, Minister of Defens Kô 1982 liata a châ nona khata Lebanon War liata chhao hlaotloh kawpa ta Israel sawkhâ heta pahniena ama vaw to ha hei hra.

Ariel Sharon he Pheisaih tawhta âpahâ tawhna khata Likud party apazaopa ta, Likud party ta sawkhâna ama tao chhô kô 1977-92 nata kô 1996-99 liana khata Minister châna peimawh kawpa vawpatu pata, Kô 2000 pa tawhna kha Likud Party Leader châna vaw patu hei ta,Kô   2001 – 2006 taihta Israel Prime Minister a châ.

Ariel Sharon he reichiehpa hawta mylâ khi Jewish phôryhpa hawta pabuna daihti hneipa châ aw ta, ari he alapinô Lilly hnota paziapa a châ aw. He pabuna daihti he Khizaw râh hro hropa chhithatuhpa Russian Foreign Minister,  US Vice Presisent zy nata chyhsa peimawhpa nano nanopazy chhao ta âmâ hlao hra aw.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s