Pheisaih lana hnei aw

(Tattoo hneipazy châta pahlei para awpa a pha aw)
Mawrâh thyutliapazy châta Rajiv Gandhi Stadium, Mualpui-liata Indian Army châta Pheisaih lana (Recruitment Rally) cha Târi noh 15-20, Nawh, 2014 January ni 15 – 20 likah liana heta hneipa a châ aw. Rally liana heta Soldier (General Duty); Soldier (Technical); Soldier (Nursing Assistant) nata Soldier (Clerk/Storekeeper)-zy lapa a châ aw.
Târi noh 15, Nawh, 2014 liana khita Soldier (General Duty) châta Mawrâh District zydua tawhta apatlâh theipa a châ aw. Soldier (Technical); Soldier (Nursing Assistant) nata Soldier (Clerk/Storekeeper) apatlâh khohpazy ta cha târi noh 16, Nawh nata noh 17, Nawh, 2014 likah liata âpatlâh thei aw. Soldier (Technical); Soldier (Nursing Assistant) nata Soldier (Clerk/Storekeeper)-zy châna heta Mawrâh thyutlia hleikhôta Arunachal Pradesh, Assam, Meghalaya, Tripura nata Nagaland-liatapazy chhao amâ patlâh thei aw. Pheisaih a châhaipa sawzy, Pheisaih pension hapa sawzy, Pheisaih vahpa ahneipa nôhmeipa sawzy, NCC ‘C’ Certificate hneipazy nata ataopasuapa chyhsazy cha Soldier (General Duty) apatlâh awpazy cha târi noh 15, Nawh, 2014 liata apatlâh awpa a châ aw. Târi noh 18 – 20, Nawh, 2014 likah liata Rally-liata atlohpazy cha Document nata ama hnatlâhna (Medical) mopasiapa a châ aw. He liata atlohpa Soldier (General Duty) nata Soldier (Technical)-zy cha târi noh 2, Hmypi, 2014 liana khita Kendriya Vidyalaya, Aizawl-liata Written Exam ama hnei aw. He Pheisaih lana liana heta a no-eihta hiana pangia angiah leipa ta, a noh liata tlâ apatlâh awpa a châ aw. Soldier(General Duty) cha Py 8 tawhta a chô lâ Pass-pa, kô 17 nata âkhophie, nata Kô 21 likah ama châ awpa a châ. Soldier (Technical) nata Soldier (Nursing Assistant) châta 10+2 (Science) nata Soldier (Clerk/Storekeeper) châta 10+2 (Arts, Science nata Commerce) rakhapa châta hia theipa châ ta; kô bitaipa cha kô 17 nata âkhophie nata Kô 23 likah ama châ awpa a châ.
Apahnopasia khohpa châta Army Recruiting Office, Supply Point Zembawk-liata hiahrihpasia theipa a châ. He Office phone no. zy liana heta hiahrihpasia theipa a châ aw :0389-2351166 nata 0389-2351518 liata. Ao record chiehpa –Integrated Voice Response System hmâpa ta phone no. 0389-2350141 liata hiahripasia theipa a châ hra. Apatlâhna noh liana heta athlana chysia acheihpâ awpa châ sala, document-zy cha hârie liata tlyma file cover tlyma (dâh lei awpa ta) soh awpa a châna zie ARO-zy ta apatlâh awpazy cha ama pahnosa. Hnatlâhna mopasia nona heta nahkhaoh apathaih tyh leipa vâta nata pôhpa liata tattoo ama hneipa vâta chyhsa hluhpi ama tla tyh, chavâta nahkhaoh pathaih awpa nata Tattoo pahlei awpa cha pachâ peimawh awpa ta ama pahnosa hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s