“Khihtlâh liata sipasa viapa nata riethei viapazy deichhyna heta araohâhna a tlôkhei thei” – Andre Cox, Salvation Army General

Khizaw liata Salvation Army (Pachhana Pheisaih Py) hyutuh chaipa General Andre Cox nata a lahpinô Commander Silvia Cox –zy ta zâhnia liana khata State Guest House Conference Hall, Aizawl liata thâtihthiehpa lapakhytuhpazy amâ pakyh.
General Andre Cox chata nata zawpi nata sawhkhâ ta ama nôvah ama vaw dyna dâh chata palôh a hria ngaita kaw, tahpa ta, alynabie reina a hnei hra. General chata Mawrâh ama vaw tlyna chhâ chaipa cha zawpi hmôpa ta, âmo apakyhpa ta ama bie nahthliepazy, India râh liata Salvation Army raihria nano nanopa mopazy, Mawrâh zawpi châta thlahpa liata chakaona dei châ leipa ta a hmeiseihpa ta khihtlâh châta Salvation Army raihriapa nata chakaonazy mopa a châ, a ta. General Cox chata, Mawrâh sawhkhâ ta achuna apachâ peimawhnazy nata heihlyuleipa zy achuna kyh liata hmahlana ahneipa nano nanopazy cha aly âchhih hmeiseih, tahpa ta, Khihtlâh liata sipasa viapazy nata riethei viapazy deichhyna chata khihtlâh liata araohâhna a tlôkhei thei tahpa ta, he kyh liana heta zawpi ta hmahla via ei sala tahpa a khona a reih hra.
He khai tawhna heta thâtihthiehpa lapakhytuhpazy hiahrihna nano nanopa achhyna a hneipâ ha hra. General he Salvation Army India Eastern Territory, Territorial Commander Col. Lalngaihawmi nata Salvation Army India Eastern Territory Chief Secretary Lt. Col. Lalramhluna nata  Salvation Army officer-hropazy ta ama chakaochahlâ. Zâhnia pyly liana khata General Andre Cox chata Governor Puhpa Vakkom Purushothaman cha apahrâna Raj Bhawan liata a hmôpa ta apakyhna a hnei hra. Zâhnia zâ liana khata Chief Minister Puhpa Lal Thanhawla ta General-zy nôvah-zy châta CM Bangla liata pati âchhuahnohpa hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s