HEADLINE NEWS

“Moleipazy ku liata a y haipazy papuapa ama châ leipa tlyma, atlâhbohpa ta papuapa ama châ leipa tlyma a châ khiahta la Bru chyhsazy chô liata khâpa rai tlô hrasala amaohphaoh aw ma pi”  – Mizo Students’ Union

Siaha, târi noh 10, Nawh, 2014 : Mizo Students Union (MSU) chata biepapuapa ta, Târi noh 23, Phiapi 2013-liata Bru riahchâpa (Insurgents/Militants)-zy ta Mawpa chyhsa pano nata chi hro pho hropa pakha ama parupazy charûkbote cha ahnawpa hneileipa ta papua para awpa ta, tahpa ta, aparutuhpazy chhao sawhkhâ ta phusâ pie leipa sala, tahpa ama khona zie ama châpapuapa liana heta ama palâsa.
MSU biepapuapa chata he ama parupazy he, atlâhbohpa ta papuapa ama châ veim khiahta cha Bru-chyhsazy chô liata khâpa rai tlô sala, âmo sasyhta ama pahaopapuapa a châ aw, tahpa ta ama biepapuapa liana heta ama palâsa hra.
Târi noh 23, Phiapi 2013-liata Bru riahchâpa a châpazy ta pahnopazy ta Damparengpui nata Rajiv Nagar likah liata Sanglianthanga (27) s/o Vanlalhmuaka, Lalzamliana s/o Buanga (L) nata Deep Mandal (25) s/o Nikil Mandal, Indus, Bakura District, West Bengal-zy cha patupa ta, achhih syulyu ha ei ta. He chôchâh liana heta MSU chhithatuhpazy he he biesakâ vawna he ama papua hapa a châ.
MSU President, Zodinpuia chata, atahmâ taihta Bru riahchâpazy ta ama chyhsa patupazy ama papua mâh leipa cha ama hrai haipa chyhsa pathôhzy chhôhkha ngâlâh taona hawhta pachâ mah pi, tahpa ta, he hmo he Mawrâh zawpi taona hawhta apachâna zie a rei. MSU President chata, “Mawpazy ta Bru/Tiku-tako-zy chô liata khâpa rairuna hmahta eima tao beihleipa tlai ta eima mo nata sa ama paru ngâthlâh hapa a pha lei kaw, atahmâ ta ama patu haipazy he ahnawpa hneileipa ta ama papua leipa ta a châpa tlyma, eima khona dâh hlao ama patloh tlai vei khiahta cha, Bru chyhsazy chô liata khâpa rai tlô hra sala, âmo ta ama pahao papuapa hawhta eima pachâ aw” a ta. Bru riahchâpazy nata Sawhkhâ adaohna hnôh chaipa liata Bru riahchâpazy ta sawhkhâ lâta biesakâ ama vawna dâh liata cha, “Nama vaw chatlai papua ma, eima pasopanô thlâh ha aw?” tahpa a châ.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s