Minister of State for Sericulture and Fisheries, Dr. Buddha Dhan Chakma-a’n zâkhania kha Chakma Autonomous District Council-liata Chief Executive Member a châna nata CADC Member achâna tawhta âpabâ. CEM tawhta bâna châ he Governor, Vakkom Purushothaman paphao awpa ta Chairman, Kali Kumar Tongchongya hnota hlâ ta, member achâna tawhta âpabâna chhao he Chairman hnota a hlâ. Dr. BD Chakma heta zâhnia tawhna kha Chawngte tawhta Aizawl pangaipa ta, târi noh 10, Nawh,2014 liana khi ta Civil Secretariat-liata Minister Office tlôh awpa âchhuah tapa Deiva a chho. CEM su aruapa pabie dâh nawpa chôchâh liata Deiva hiahrina âchhypa ta CADC Chairman, Kali Kumar Tongchongya chata, CEM âpabâna châhna he Governor-ta liahsa âpyh tawhta ryhraona taopa a châ awpa zie reihpa ta, cha khai tawhta Mizoram Pradesh Congress Committee chhithatuhpazy ryhraona hawta Congress Legislature Party âtyuhpakhypa ta Chief Executive Member awhpa he âmâ tlyh aw tapa areih. Minister of State for AH & Vety, Pu C. Ngunlianchunga chhao ta zâkhahnia lâ liana kha ta LADC-a CEM achâna nata member achâna tawhta âpabâhna cha Governor hnoh nata Deputy Chairman hnota pangia ha hra.Ama pabâhna châ he Mawrâh Governor chhaota zahnia lâ liana khata liahsa âpyhkhei ha ei hra.