India râh liata Chief Minister dyhchhie chaipa ei châpa he azakhei vana – Manik Sarkar, Tripura CM

Siaha, târi noh 20, Di, 2013 : Tripura Chief Minister Manik Sarkar-ta ‘Chief Minister’-hry liata dyhchhie chaipa ama tah tyhpa cha pei tahleipa ta, tlao âly vianazie a reipapua. Manik Sarkar chata, “He hawhta ei sôhthih ama palâsa tyhpa he areipha tahna ta. Chyhsa ta ama reipa ei theina ta chhochhi cha ei ly viapachai” a ta hra. Sarkar mopakha hmohneipa, pasietheipa nata pasietheileipa, azydua ta a sôhna ama reipa cha, Rs 2.5 lakh deita châ ta; he he India râh State nano nanopa CM-zy sôhthih duahmo nahta cha â hlie ngaita kaw.

SarkarTripura chief minister hmohneipa zydua, zâkô Nawh thla liata Dhanpur constituency tawhta Assembly Atlyhna liata âpie chyta Nomination a File-na liata â lâna zie liata cha, a phusâ lâta Rs 1,080 ngâlâh â chakaih, tahpa palâsapa a châ. He liata palâsana liata cha, Bank liata Rs 9,720, a hnei hai hra.  Kheitazie ta ma atahmâhlâ Politician-zy ta nieparuna vâta am alai hôlô no ta, he hawhta a y thei thlâh haw?tahpa ta hiahrina cha, Sarkar heta, “Ei Party ta a mohphana to sala. Ei Party heta he hawhpa hrozie nôchâh he eina baipâ ha ei.” a ta. CPI(M) liata chhithatuhpa heta, “He hawhta apathaih kawpa ta ei hro vei khiahta la, ei chhôh lâ tawhta rao pathao aw na ta; a chhâna liata ei pao cheingei aw.”a tah hra. Sarkar he Tripura Chief Minister a châ parei chaipa châpa ta; kô 1998 tawhna khata CM he a châ pazao lymâ. Tripura liata zawpi ta ama kho kawna chhâpa ama hiahrina âchhyna liata cha, “Zawpi hnota khâpa bieru hmâ nyu ma pi. Eimâ lâ pahlie kaw. He he ei hlaotlohna bieru a châ” a ta.

“Hlao eima patloh thei lei awpa liata bie ataih leipa pi ta. Hlao eima patloh thei liana ngâlâhta bie eimâ taih tyh. Zawpi hnabeiseihna hlaopatloh eimâ chhuah khiahta cha, khazia zawpi ta maniah amâ tlyhpatloh vei.” A tah hra. A Affidavit liata âlâna zie liata cha, Sarkar heta a nô tawhta a ryutopa, O-hmo, 432 square feet ta a kawhpa hneipa ta, he he atahmâhlâ mâ liata cha Rs 2,20,000 a châ.  He hawhta a châ nona heta, alahpinô, Panchali Bhattacharya, Central sawkhâ liata raihriapa, atliata liata pension hapa deikua ta, Rs 23,58,380 hneipa ta, he he Pension hlao tawhta a hneipa a châ. He hleikhôna heta alahpinô heta Ngôh 20 Gram ta ahripa, Rs 72,000 mâpa nata,. Sôh a vao haipa Rs 22,015 a hnei hra. Ama nôvah heta hmo pasiepasâtheipa hneileipa ei ta, ama hneipa zydua sôhnaheta Rs 24,52,395 a châ. Like other party members, Sarkar heta a hlao zydua he Party Fund liata pangia khai hapa ta, a Party heta thlakha ta Rs 5,000 tlao ama pahlaosa hri.  He Affidavit apangia nona heta, Tripura CM hlao he Rs 9,200 châ ta; he he India râh liata â hnai chaipa a châ hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s