Zawpi ta Kô 46 chhôh ama hâpa Lokpal Bill apyhpa a châ haw

(India râh liata Nieparuna adyuhna dâh pha chai awpa cha zâhnia liana khata Lok Sabha liata apyhpa a châ ha hra)

Siaha, târi noh 19. Di, 2013 : India râh liata Nieparuna adyuhna chôchâh liata dâh peimawh chaipa nata nieparuna adyuhna liata atôhpipa a châ awpa, India thâtih liata hmo ngiatlâh chaipa nata bo thiehpa lâta miah angia kheituhpa châ awpa ta, kô 46 chhôh tlai Rajya Sabha nata Lok Sabha liata dythapa a vaw châ tawhta, Lokpal Bill cha Rajya Sabha liata amâ pyh khai tawhta Zâhnia (Pakhy Noh) liana khata Lok Sabha liata apyhpa a châ ha heih hra.

Lokpal Bill apyhpa a châ thei n’awpa ta thapi phiapa dei â daih tah leipa ta niechaheihna chhaota ateituhpa, Anna Hazare chhaota Lok Sabha liata Lokpal Bill apyhpa a châ hapa vâna heta Ralegan Sidhi, Maharashtra liata niechaheihna, noh chaki chhôh avaw siekhei hapa cha pachhâsapa ta, ano nata ahnôhpazituhpazy ta alyna ama hnei hra. Anna Hazare heta Lokpal Bill apyhkheituhpa MP-zy lâta alynabie reihpa ta; Lokpal Bill akhohleituhpa, Samajwadi Party-zy deikua alynabie areina liana heta a hlao veih ei, tahpa a reipapua hra. Lok Sabha liana heta dawh palih chhôh tlai Lokpal Bill vâna heta a eichhiana tlô ta; zawpi thapatlôhtuh awpa Bill he ama pass hapa a châ.

 

###Lokpal Bill cha kheita avaw thaotôpa ma a châ?

 

            Lokpal Bill tlyma, Jan Lokpal Bill tahpa eima pahnopa he Citizen’s Ombudsman Bill tahpa ta pahnopa châ hrapa ta, hye he zawpi vâtlâhpa liata nieparuna adtyuhtuhpazy ta India râh liata nieparuna adyuh n’awpa ta sawhkhâ lâta pahruana ama taopa a châ.Jan Lokpal Bill ta â chhuah chaipa cha nieparuna adyuh ta, India ti nata râhzy palôhtlâhna dyuh ta, nieparupazy phuahluahtuhpazy pabohsapa he a châ. ‘Jan Lokpal’ tahpa liata ‘Jan’ tahpa heta, zawpi vâtlâh tahpa dypa ta, Lokpal tahpa he kô 1963 liata L.M. Singhvi, MP a châpa ta avaw pathaoptôpa châ ta. He he a sawchapaw Dr. Abhishek Manu Singhvi ta avaw pathieh pahlâ heihpa a châ hra. Lokpal Bill India sawhkhâ ta apachâ peimawh thei n’awpa ta “India Against Corruption” (IAC) tahpa ta kô 2011 liana khata Zawpin vâtlâh ta hmhalapa ta, lâpi achhihnazy hneipa a châ heih. He nieparuna adyuhna liata hmahlatuhpa nata hmia a chhihtuhpa chaipa cha Anna Hazare châpa ta, ano hmahlana ry liata Lokpal Bill chôchâh liata hmo bai angiahpazy chhao baipa a châ. Lokpal Bill India Parliament liata angiakhei tuachaipa cha Shanti Bhushan châ ta, kô 1968 liana khata Lok Sabha liata avaw ngaikehipa ta, Lok Sabha liata kô1969 liana khata vaw pass-pa a châ ha hra. Châhrasala, Rajya Sabha, liata passpa a châ hlâta Lok Sabha cha phiepa vaw châ ha heih ta. He khai tawhta kô 1971, 1977, 1985, 1989, 1996, 1998, 2001, 2005 nata 2008. Lianazy khata Parliament liata angiakheipa vaw châ heih ta, anodeikua, pass-pa châ vei. Kô 2011,chasipaw Parliament atyuhpakhyna liana khata, Lok Sabha ta Lokpal Bill he vaw pass ha heih ta, anodeikua, Rajya Sabha ta avw pyh heih vei. He khai tawhta Lokpal Bill he Rajya Sabha liata târi noh 17, Di 2013 liata apyhpa châpa ta, .he he zâhnia liana khata Lok Sabha liata amâ pyh ha heih hra..

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s