NLUP 3rd nata 4th Phase raipapua heih aw

21sonia_launch_nlupZâhnia my dawh 11:00 liana khata NLUP Line Department vyuhtuahpazy nata NLUP Implementing Board (NIB) hyutuhpazy ta NLUP hmahlana chiehpazy saina nata NLUP siekhei lymâ n’awpa dâh saichhieliena PL Thanga, NIB Vice Chairman sahlaota, NLUP Conference Hall-liata ama hnei.
He Meeting liana heta Assembly Atlyhna vâta NLUP raina pachhâsa chypa cha Chief Minister-ta, “NLUP raipazao heihpa a châ aw” tahpa ta avaw rei hapa raipazao n’awpa dâh reihpahmaohpa a châ. NLUP 2nd Phase adaotuhpa, piepatlôh mâh leipazy cha Village Level Monitoring Committee-zy, District Level Monitoring Committee-tlyma DC Office tlyma tawhta piepatlôh awpa ta raopazy cha piepatlôhpâpa ama châ aw. Industry Department nata UD & PA ry liata khaw nano nanopa dao awpa ta atlyhpapuapazy cha achatliena lâta raipapuapa châ sala, tahpa ta, Village Level Monitoring Committee tlyma, Line Department-liata Field Staff tlyma, DC Office tawhta pie awpa tlâhte pachâpazy cha piepapuapâ châ sala, ama tah hra.
NLUP 3rd Phase nata 4th Phase daotuhpazy chôchâh liata 1st Installment-ta sôh pie ha chiehpazy, NLUP hlatlohkhei awpa ta hmahla ngâhaina tlyma, hmahlana lymâ n’awpa châta sôh angiahpazy, NLUP Work Calendar liata Sôh pie n’awpa dâh ryh-raoh hapazy saipâpa ta 2nd Installment sôh pie n’awpa zie he Line Department-tota ryh-raohna vaw tao ei sala, ama tao khai patawnah ta 3rd nata 4th Phase daotuhpazy hnota sôh raipapuapâpa a châ aw, tahpa ta bietluna taopa a châ hra. NLUP siekhei lymâ n’awpa dâh chôchâh liata NLUP Apex Board Meeting chhao ryhpaohna tuachaipa liata awpa châ sala, tahpa ta pathlupa a châ hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s