Siaha Tlyliah liata “REITHAINA PAKHYPI” hnei

Zâhnia târi noh 13, Di, 2013 zâlâ dawh 6:00 tawhna khata Evangelical Church Of Maraland (ECM) Music Committee pachhuahpanohpa ta “Reithaina Pakhypi”, târi noh 13-15, 2013 likah liata hnei awpa cha Siaha Vaihpi Tlyliah liata a rônah kawpa ta pahypa a châ haw.
He “Reithaina Pakhypi” he “Huso theipa zydua ta Abeipa cha reithai ei se” tahpa biepipa ry liata hmâpa châ ta; zâhnia zâ tawhna khata “Rock Night” tahpa biepipa hmâpa ta pathaopa a châ, “Reithaina Pakhypi” pahyna he Revd. VL.Ngaia Hlychho, Executive Secretary (edn.;Lit) ta chhihthapa ta, Revd.M.Zakonia, Moderator (Elect)-ta pahyna beireina hnei ta, ECM Assembly Choir-zy ta pahyna hla sapa ta, pyungiapa pyu nano nanopa hmâpa ta hlapy nano nanopazy hleikhô ta mopakha hlasana (Solo)-zy, Group nata Band-zy, Musical drama phakawpazy, Reithaina lâzy, Pho hla zy pamosapa a châ. He daihti liana heta Laihsa VT.Roseline, Meisavaih nata T. Hmangaihzara zy ta thaikawpa ta daihti nano nanopa phuah lymâpa ta, Revd.T.Salaw, Assembly Secretary ta byhnâ awna ta daihti pahyna zâ he a pachhâsa.
download“Reithaina Pakhypi” he chhaih charu lâta pachhaihpa ta, atamy dawh 10:00-12:00 likah liana heta “Krizyhpa Hlabu Noh” hmâpa châ aw ta, zâlâ 6:00-10:00 liata “Praise and Worship” daihti hmâpa a châ heih aw. Târi noh 15, Di, 2013(Khazohpa noh) dawh 1:00- 3:00 taihta “VARIETY Programme” tahpa biepipa ta a hmâ heihpa châ aw ta, zâla dawh 6:00 tawhta 10:00-pa liata akhawna nata daihti hnôhchaipa châ awpa ta “Christmas Advance” biepipa ta a hmâpa a cha heih hra aw. He “Reithaina Pakhypi” liana heta Marasaw Zawpi thyutlia hleikhôta Nô nata paw, Pastor nata khihchhôh machâ zy nata Awnano manôh zydua a hlao chyu awpa ta ahawpa nata pahnosapa ama châ.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s