“Ngiapâtuhpa eima châna he Khazohpanoh liata eimâ pakhyna liana ngâlâh heta âdaih tah thlâh leipa ta, nohto eima raihriana liata eima palâsa awpa a châ”- Lal Thanhawla.

(North East Textile Promotion Scheme nata Chângyu zaona kyh liata Workshop hneipa a châ)
Siaha, târi noh 14, Di, 2013 : Chief Minister Puhpa Lal Thanhawla chata zâhnia liana khata Vanapa Hall-liata Sericulture department pachhuahpanohpa ‘North East Textile Promotion Scheme nata Workshop on Implementation of Catalytic Development Programme under 12th Plan in Mizoram’ pahyna a hnei.
Puhpa Lal Thanhawla chata biereina hneipa ta, Assembly atlyhna Mawrâh zawpizy ta pahnie kawpa ta ama Party ama patlohna kyh liata zawpi lâ liata alynabie reihpa ta, Mawrâh zawpi hry liata a hluh chaipa, 70%-zy cheihchalo awpa he sawhkhâ pachâ peimawh chaipa a châ, tahpa ta, âmo tawhta hmahsiena nata ativyna he eima pathaopatô awpa a châ, a ta. CM chata, Kuraihriapazy athôh n’awpa ta he hawhpa scheme nata workshop pachhuahpanohpa a châpa cha aly âchhih hmeiseih, a ta hra.
CM Lal Thanhawla chata areipazao lymâna liata, Sericulture he nietluana pha kawpa a châ, raihriatuhpazy cha thapi phia via awpa ta apahnosa hra ei. NLUP ry liata line department ataopha chaipa ama châpa cha aly â chhih hmeiseih, a ta hra. CM heta, Thotlâh lâta pahrâpazy amâ duahpapua hra thei n’awpa ta, sawhkhâ chata thapi phia hai ta, adona, tiamana, chhyuna nata khopasana hmeiseihpa chhaota rai eima hria awpa ângiah, a tah hra. He hleikhôna heta, Mawrâh sawhkhâ liata apahâna Noh/cha-yna Noh hluhtu hapa nata Office kiahchhôh daihti pachyusa via awpa ângiah zie reipa ta, Ngiapâtuhpa eima châna he Khazohpanoh liata eimâ pakhyna liana ngâlâh heta âdaih tah thlâh leipa ta, nohto eima raihriana liata eima palâsa awpa a châ, a tah hra. He daihti liana heta Chief Minister heta ‘Cocoon var lian chi khawi dan’ tahpa châbu cha atlâhzawhpâ hra.mizoram_cm_360
Puhpa P.L.Thanga,IAS (Rtd) chhaota biereina hneipa ta, he project he Tlaw Thysâh 20 (Crore) project a châzie palâhâhpa ta, kô 2014 tawhta cha chângyu zaotuhpazy ta a chiphapa liata amâ tivy thei n’awpa ta hmahlapa a châ aw, a ta. Puhpa PL Thanga chata, NLUP ry liata infrastructure piepa liata Sericulture department cha a taopha chaipa ama châ, a tah hra. Sericulture farmer-zy ta âthôh viapa ta ama hriapapuapazy ama zuahpapua thei n’awpa ta, Integrated Procurement & Marketing Strategy chhao kôthiehpa 2014 tawhta cha siekhei pathao awpa a chhuahpa a châ, a tah hra.
He daihti pahyna apakhyna liana heta Puhpa Moncy Isaac, Dy Secretary (Tech), Central Silk Board Hqrs, Bangalore chhaota scheme chôchâh reipasiana a hnei hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s