Chyhsa rônahpa Nelson Mandela âpahâ haw

South African chyhsa rônahpa Nelson Mandela, Johannesburg liata âpahâ hawSouth Africa liata movyhpa president tuachaipa nata chi apathluana adyuhtuhpa (Anti-Apartheid) Nelson Mandela cha kô Nelson_Mandela-2008_(edit)95-ta uhtheipa ta âpahâ haw. Nelson Mandela heta kô 27 chhôh Lô-O liata patâhpa a châ tawhta, kô 1990 rachhôh liana khata S.Africa liata pazakha chhao a pha leipa morâhpazy ryureina cha thypathlapa ta, movyhpazy châta khotalaina noh a pachhisa hapa a châ. Atliata tawhna khata pachao pasana vâta mohôhpa châ ta, he he athikhei hapa a châ. Africa chyhsa rônahpa âpahâ hana zie South Africa national TV tawhta aphuatuhpa, President Jacob Zuma chata, Mandela cha thlalôh kawpa ta âpahâ, tahpa ta, “Eima râhta sawchapaw rônah chaipa ahneipa cha eimâ chhaih haw,” a ta.
Mandela Thâtih chyupa
1918 Eastern Cape liata avaw pih
1943 African National Congress âpazao
1956 Sawhkhâ adyuhna biebuapa pa-aopa châ ta;anodeikua, kô 4 chhôh a chôchàh ama pachâ tawhta ama papua ha heih
1962 Patupa châ heih ta, kô 5 chhôh patâh awpa ta a chôchâh pachâpa a châ
1964 Sawhkhâ hmobaoh paraopakeipa ta baipa châpa ta, hrochhôh atâh awpa ta a chôchâh pachâpa a châ.
1990Lô-O tawhta pua
1993Nobel Peace Prize dao
1994President châta atlyhpa a châ.Movyhpa hry liata President tuachaipa
1999 President tawhta âpahâ
2001 Prostrate Cancer a hnei tahpa hmôpapua
2004 Okah puapâ thei khao vei
2005 A sawchapaw pakha cha HIV AIDS pasana nata ahniahnipa vâta a thi, tahpa palâhâ.
He chyhsa rônahpa he, morâhpazy ta ama tao kaw tarawpa ta, ano liata phuh la khohna tlyma y leipa ta, tlao azaokhina phapa hnei heih achhuahpa ta khâ a tei tyhpa a châ. Sapa chieleina vâta khihliah liata hmô awpa y zôzaw khaoleipa ta, Kô 2010 S.Africa World Cup kha zawpi hry liata a hmi âpalâna hnôhchaipa a châ. Apartheid âvaw dyuh-lâh tyhpa, Archbishop Desmond Tutu-ta cha, “Chyhsapazy hnota hmosaipiepa no-âh achhihpa a châ hleikhôta, Africa chyhsa nata S.Africa chyhsapi he, eima châna apalaikhei awpa ta maniah pachhuahpanoh ta. Heihzy chô lâta lâsie paryh awpa ta maniah tao ta.Khazohpa cha reithaipa ta y mawh sy.” tahpa ta aviasapaw Mandela chôchâh areipapua hra.
‘Eima zydua ta pathlie ei suh u’
President Zuma ta Mandela cha a râh pôpalôhpa ta mâchhie eima sapa aw, tahpa ta, “ Ei South African heihzy sai u, Nelson Mandela ta maniah papôhkhasa ta; chavâta, lôhraohpa ta pathlie chyu hra ei suh u.” tahpa ta zawpi bie a ta hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s