Siaha nata Palâ Bia Vote rei awpa ta liahsa a mâ hapa a châ (Târi noh 9, Di my dawh 8:00 tawhta reipathaopa a châ aw)

Siaha, târi noh 4, Di, 2013 : Mawrâh Assembly Atlyhna liata Siaha Bia nata Palâ Bia liata Vote atlapazy reih awpa ta apachhuahpanohna cha liahsa a mâ hapa a châ, tahpa ta Puhpa HD Lalpekmawia, Election Officer, Siaha District ta a rei.
Siaha District liata MLA Bia no, Siaha nata Palâ Bia liata Vote atlapazy reina cha târi noh 9, Di, 2013, my dawh 8:00-pa tawhta Siaha DC Conference Hall liata hneipa châ aw ta; Vote rei n’awpa su, Vote rei n’awpa Counter chhao liahsa pasiapanô khai hapa a châ hra. EVM-zy chhao Strong Room liata hraihkhôh pazao lymâpa châpa ta,a chhôh a zâ ta Indian Reserve Battalion 2nd IR Battalion Pilay W/Sikkim nata Mizoram Police-zy ta ama vaih ngâhai hra.
Atakô 2013 liata MLA Atlyhna liana heta Siaha Bia tawhta Puhpa S.Hiatô, INC, Dr.K.Beichhua, MDA nata Puhpa F.Lalhmachhuana, ZNP-zy a khopa ta, Palâ Bia tawhta Puhpa Hiphei, INC nata Puhpa PP Thawla, MDA-zy amâ kho hra. Puhpa S.Hiatô nata Puhpa PP Thawla he MLA atlyhna kô 2008 liana khata amâ duana Bia tawhta tloh rairie ei ta; atakô liana heta ama tloh pazao thei ma?tahpa cha zawpi bielôhawh chaipa a châ hai. Târi noh 25, Phiapi, 2013 liata Vote pathlana liana khata Siaha Bia tawhta zakha liata 79% Vote tlapa ta, Palâ Bia tawhta zakha liata 82.17% a tla hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s