VVPAT raihriana dâh liata palôhtlâh achhih vei – CEO, Mizoram (VVPAT 217 hmâpa liata 21-zy cha hmâtlâh leipa a châ)

PREVIEW_EVM_VVPAT_1554458fSiaha, târi noh 2, Di, 2013 : Puhpa Ashwani Kumar, Chief Election Officer, Mawrâhta, zâhnia tliata liata patlôpa, Mawrâh Assembly Atlyhna liata Voter-zy ta ama khopa ama Vote tlaina tahpa pahnotheina, Voter Verifiable Paper Audit Trail (VVPAT) raihriana dâh liata palôhtlâh a chhih vei, a ta. Târi noh 25, Phiapi liata Mawrâh Assembly Atlyhna liana khata, VVPAT he a eikha n’awpa ta Mawrâh liata hmâpa châpa ta, he liana heta VVPAT 10 cha ama raihria awpa hawhta hria thei leipa ei ta, he vâna heta CEO heta palôhtlâh achhih vei, a tah hapa a châ.
VVPAT-zy he EVM liata pangaihpa/pataohpa ta, Vote pathlatuhpazy ta ama khohpa tlaina ama Vote tahpa ama pahnothei n’awpa ta taopa a châ.
India râh liata a eikha n’awpa ta Mawrâh Atlyhna liana khata hmâpa châpa ta, he liana heta, VVPAT 217 hmâpa hry liata 21 cha pha vei, tahpa hmôpapuapa a châ. VVPAT 217 liata 21 raopa cha zakha liata tahpa ta eima reipati khiahta cha â sâh kaw. He chôchâh he Election Commission of India hnohta chhao tlôkhei hapa a châ” tahpa ta CEO Ashwani Kumar heta a rei.
Election Commission of India (ECI)-ta chhao, he chôchâh liana heta VVPAT ataotuhpa, Electronics Corporation Of India Limited (ECIL)-hyutuhpazy cha târi noh 3, Di, 2013 liata N.Delhi liata he chôchâh reikhei awpa ta ahrua ha hra ei.
VVPAT phaleipazy he ataotuhpa ECIL liata ahriapazy ta ama supipa lâ phaoh ha heih ei ta. Târi noh 25, Phiapi liata Vote pathlana liana khata VVPAT he Aizawl khihchhôh Bia 10 liata hmâpa châpa ta; he liana heta ECIL ta VVPAT 300 ama kaw paphaopa liata 217 hmâpa a châ.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s