Aaron Ramsey ta kaw no khôpa ta Arsenal pahniena tokhei Everton chhao sâpalihna liata amâ kaw khaih ha hra

Atahmâ Season liata pachâ phaleipa ta apiephapa, Arsenal Player Aaron Ramsey ta minit 29-na liata Mesut Ozil ta Ball pha chaimâhpa avaw pathluahpa cha a Club parohpa, Cardiff kaochhôh liata a luhta supangiapa ta Arsenal hmia a sakhei ta. Daihti chhâ chy liata arsenalreu1_2751038bkaw kha khô heihpa ta, Flamini kaw khôpa chhaota 3-0 ta Cardiff City pahniepa ta; Point 7 ta EPL liata hmia amâ sah haw. Pachyhnoh zâ liata akhaihpa liana heta, Cardiff Academy tawhta kô 17-ta uhtheipa a châ nota Gunner apazao hapa heta, a kaw khôpazy he alyleipa ta; a Club parohpa a za zie palâsa n’awpa ta a râhrei hra vei. Aaron Ramsey âpie pha kaw nona heta, Arsenal kawhnawh a châ hrapa, Olivier Giroud deikua he zâ liana heta cha kaw kha hmahta khô leipa ta a ku chabaih ta; a khô cheingei h’aw khiah maw, tahpa ta Cardiff kao kiah liata anodeita ball a topa cha, Linesman ta a chaluah khiahma tahpa ta, I a chhih kawpa ta bielei-bielô apachâsa ha.
Everton chhao apiephapa ta, Stoke City 4-0 ta vaw taolapa ta, khaih 13 tawhta Point 24 hmôpa ta EPL Table liata 4-na liata a kaw khaihpa ta, ama Tlyliah liata ahy hmahta pahnie thei mâh veih ei. Stoke City deikua he cha khaih 13 liata Point 13 hmôpa ta Relegation Zone lâ ama tla thlâh ha ngyu thei. Zâkhahnia zâ liata Goodison Park liata Everton ta pahniena ama tona lâthlôh liana heta, minit 45-na liata Gerard Deulofeu-ta khô tuachaipa ta, Seamus Coleman ta First half chhâ chyta liata vaw baichha heih hra ta. Second Half liata Bryan Oviedo nata Romelu Lukaku-zy ta kaw ama khô hra.
Arsenal nata Everton-zy thaphana zâ liana heta, Season thiehpa liata Division ahnai viapa lâta tla awpa alyu thlâh hapa, London Club Fulham deikua ama vâduana sie pazao lymâpa ta, West Ham hmiakô liata 3-0 ta ama dua ha heih.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s