Actress Britanny Murphy kha Pazu châmaih vâta thipa a châ!

Deiva Huasua : Actress, Singer nata Voice Artist a châ pakaohpa, December 20,2009 liata a bathroom liata ari âhuapa Brittany Murphy he apahno leipa chhao eima y thlâ ha ngyu aw. Athi nona khata Writter, director, producer a châpa Simon Monjack nata âhnei eita, kha hawta bathroom liata âhuapa achâ pata na kha ta Cedar-Sinai Medical Centre pangai khei parahpa châ ta, châhrasala he Centre biephuahtuhpazy chata Brittany cha Centre ama vaw tlôpa cha athi ha tapa ama reih.

Athi tawhta daihti reileipa ta liata Assistant Chief Coroner, Ed Winter ta Associated Press achhona dâhta cha, a thina liana heta mohropa bai thei awpa tlyma a y leizie a reih. February 4,2010 liana khata Los Angeles Country Coroner chata athina chhâpa cha Pneumonia nata Anemia a châ tahpa ta aphuah khaw.

 

Asawchanô thina liana heta apaw Angelo Bertolotti palô tlâh thei leipa ta, January 11,2012 liana kha ta Superior Court of California hnota Los Angeles Country Coroner’s Office zya asawchanô testing sample âmâ vaopa cha la papua ta, Independent Testing hnei awpa ahiana hawta Brittany Sâ, thisaih nata a sapa thokha zy cha lapapuapa ta, test pataosa chanei hei ta. He test report tawhta âlâna dâhta cha Brittany sapa liana heta Heavy Metal, WHO ta chyhsapa hrona châta chi âchhihpa ama tahpa alie hrawh(10) a y tahpa ama hmôpapua. Heavy metal he Pazu châmaih nata Insecticides taona chhaichhi a châ.
He hmo hmôpapuapa achâ vâna heta apaw Bertolotti chata biehneituhpazy hnota asawchanô thina chhâpa cha âlaichadai pathi chanei hei awpa ta âhaw ta, Âhawna cha âpyhpa châ ta Los Angeles Country District Attorney’s Office chata Investigation he ama tao hei aw.

He hawta a châ nona heta hmo no-âh chhi kawpa cha Brittany Murphy vahpa Simon Monjack cha târi noh 23, May,2010 liana khata alapinô Brittany Murphy thina su liata pyly ari âhuapa châ hei hra ta, a thina chhâpa he Pneumonia nata Severe Anemia pyly a châpa hawta ama reih hei! Ano chhao he Brittany Murphy ama pabunasu Hollywood Hills, Forest Lawn Cemetery liata Brittany Murphy thlâ kiapâh liata ama pabu hra.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s